بسم الله الرحمن .. والشعر .. المسمى محتزم ..
عقب صبي ن .. لا بدى شانه .. تراخى محزمه ..
شاعر واوقف .. شرد المعنى .. على ساق وقدم ..
وعندي على ملكية .. اجزاله .. صكوك .. امختمه ..
يا ويش لا جا داعي بلادي .. وميقافي .. زهم ..
صملت صملة … من على حد الوطن .. رز علمه ..
لبيه يا صوت الوطن .. يا صوت عاصفة الحزم ..
جيش ن يدوس االلي نوانا بالغدر تحت اقدمه ..
يا سيد السادات .. يا سلمان .. سلمان .. العزم ..
ابشر بنا .. حب وولا .. والمعتدي .. نلطم فمه …
انت الكبير ابن الكبير .. وهو القزم وابن القزم ..
ونعاهدك .. عهد الوفا .. يارد عدوك … لعدمه …
وانت الامام ابن الاماااام .. ولا خلا ولا عدم ..
ايعيش راسك .. يا ذرى كل الشعوب المسلمه ..
قواتنا سيل ن يدك الارض .. موجه .. يلتطم ..
يسري على سد الظلاله والفجور .. ويهدمه ..
ايقوده اللي .. لا وقف تاقف على شانه أمم ..
امحمد اللي .. يكسر الراس العنيد ويخزمه ..
قوي باس .. امعرب الجدين من خال ن وعم ..
اليا هوى .. سيفه .. على شيخ الفتن ينثر دمه …
امقيد … اذناب المجوسيه .. وشاكمهم .. شكم …
وارقابهم .. واكبودهم .. تكوى .. بجمرة ميسمه ..
ينهض بشعبه .. لين يرقى به على روس القمم ..
بالرؤيه .. اللي .. صاغها فكره .. وكتبت بقلمه ..
امحقق احلام الوطن .. وامفهم اللي ما فهم ..
ان السعودي .. لا بغى الرقم القياسي حطمه ..
في ذمتي م اتخيب له هقوه .. ورفرف يا علم ..
فوق .. البلاد .. اللي بعزم .. ارجالها .. متقدمه …
…
الشاعر محمد بن جمشان
@mohd_alshahi
زر الذهاب إلى الأعلى